2026 Hasashen Yaneyi

Topic: SCP

Document Type: SCP

Hasashen Yanayi na shekarar 2026 na hukumar (SCP) ya ta'allaka ne kan hasashen raunin La Niña da kuma yanayin tsaka-tsaki na El Niño Southern Oscillation (ENSO). Hasashen ya nuna fara ruwan sama da wuri fiye da yadda aka saba a wasu wurare, farawar ruwan sama a kan lokaci a yawancin sassan ƙasar nan, dakatarwar ruwan sama daga kan lokaci zuwa ƙarshen lokaci, da kuma yawan ruwan sama daga na al'ada zuwa sama da al'ada a mafi yawan sassan ƙasar nan. Ana sa ran yanayin zafi zai kasance sama da al'ada a yawancin sassan ƙasar. Kalmar farawar ruwan sama (onset) na nufin lokacin da ake sa ran ruwan sama zai fara, yayin da dakatarwa (cessation) ke nufin lokacin da ake sa ran zai ƙare. Tsawon kakar ruwan sama kuwa yana nufin tsawon lokacin da ke tsakanin farawa da ƙarewar ruwan saman.